|
ساعدوني بدون لاتقولون روحي لدكتوره
السلام عليكم
انا بدخل بمشكلتي على طول
مشكلتي اني بلوم نفسي على الصغيرة والكبيرة وماعندي ثقة في نفسي ولون الذات عندي عالي جداً لدرجة اني بلوم نفسي على أشياء تافهه زي مااهتميت بتفاصيل بسيطه يوم زواجي منها مفارش الطولات والتقديمات ألوم نفسي لدرجة فضيعه مع ان متزوجه رجل جيد والحمد لله وعندي عمل جيد الحمد لله بس دائماً في قلبي غصه وتجيني ضيقه أحس اني ابغى ابكي بس ماأقدر ابكي واحيانا تجيني الحاله وانا اتروش اجلس أصيح في قلبي وأحس اني قلبي يوجعني وكان احد مات مع انو مافي أي شي
انا عشت في عائله متوترة جداً أمي عصبيه وعلى طول تهاوش في أبي مع انه كان مريض بس طبعا ماهي متعلمه وبعد كذا توفي وبدت المشاكل من أخواتي ما تخلص مشكله ورا الثانيه مشاكل خمر وحبوب كباتجون وعلى طول البيت متوتر لدرجه فضيعه
الحين الوضع هدي وتغير الحال ولله الحمد بس مازلت النفسيات تعبانه
ابغى علاج يساعدني وماقدر أزور الطبيب لظروف أتمنى تساعدوني
|