نفساني - عرض مشاركة واحدة

28-06-2013, 11:38 AM

هذا من الشيطان او ؟
لا و اللي خوفني اكثر اني كل ما امسك البي بي احس اني بودعهم
و اخوي اللي ابد ماله حس كتب في ادعيلنا و من هالكلام

يالسويدي من جدك تخافين عشان هالسالفه يااختي هذا اكيد من الشيطان شفتي كيف يشغلك ويخوفك في امور صغيره

يااختي كلها اوهام ليش تخافين من مجرد افكار زرعتيها في عقلك وقمت بتصديقها
مره قلت لك اننا سافرنا واختي تسولف عن حلم وهي احلامها كلها تحقق ماتتخيلين حالتي وانا طول السفر في قلق واكتئاب
وخوف من المجهول بس ادعي الله انها ماتحلم ابد
خربت على نفسي لاوناسه ولا شئ كله تفكير وخوف ارسم افكار في مخي اواصدقها
ومرت ذيك الايام وانا قضيتها بخوف وقلق ولااستفد شئ
اختي صدقيني اللي تفكرين فيه مجرد تخيلات انتي اللي رمتيها في عقلك وبكذا جميع حواسك تصدق الفكره وتتفاعل معها

عشان كذا تحسين بخوف وقلق وتشاؤم
بس تطمني ان شاء الله تروحين وترجعين بالسلامه لاتخربين هذه السفره وخصوصا انك بتروحين لمكه يعني اكيد اكيد ان الشيطان ماراح يخليك تتهنين وراح ينكد عليك علشان تخافين ويحاصرك بالافكار لكن انتي اقهريه وروحي
هذي فرصه لك تروحين بيت الله الحرام وتدعين هناك بكل اللي خاطرك فيه وتشربين من زمزم بنيه الشفاء
يعني فرصه عظيمه عشان كذا الشيطان ينكد ويضيق عليك علشان ماتروحين
لذلك توكلي على الله وروحي وادعي واتركي عنك الخوف والخرابيط كم مره خفنا وتشائمنا وبالاخير لايحصل شئ
لانها مجرد اوهاااااااااااااااااام نحن نصدقها
انا اعرف ان غصب نشعر بالخوف والله حاسه فيك ومجربه شعورك لكن الى متى واحنا على هالحاله ادري انه شعور قوي وغصب مانقدر نتجاهله لكن لازم نحاول

نرروح ندعي الله والمفروض نتفاءل بعد الدعاء ونثق ان الله مايرد الداعي اذا دعاه
لكن احنا ندعي ونروح نحزن ونشائم وش الفايده اجل
انسي هذه الافكار السخيفه وتفائلي الرسول عليه افضل الصلاه والسلام قال تفائلو بالخير تجدوه
صح يعني نتفائل يالسويدي والرسول ماينطق عن الهوى ان هو الا وحي يوحى
تقائلي تفائلي
وبس يكفي تشاؤم ليش دايم نفكر بالاسوء ليش دايم ننكد على انفسنا خلاص الى متى
اضغطي على نفسك حاولي تجاوز هذا القلق كم لنا شهور واحنا على هالحاله
ربك يعين بس علينا بالتوكل والدعاء
ويلا لااشوفك تقولين انا خايفه انا حاسه انا متضايقه
اذكري ربك واستغفري مابك الا العافيه
يلا ننتظرك وننتظر اخبارك الزينه
تروحين وترجعين بالسلامه