cute alex

بيانات اضافيه [ + ]

رقم العضوية : 5011  تاريخ التسجيل :  11 2003  أخر زيارة : 26-01-2006 (07:01 PM)  المشاركات : 1,048 [ + ]  التقييم :  10

لوني المفضل : Cadetblue

جزاك الله خير على الوصايا

لكن الله يهداك خليتنا نصير مفتشين؟

الله وناسة عاد حدي أموت على هالشغلة
احب التحقيق و كشف المؤامرات .....كني المحقق كونان

بس على فكرة لازم نعطي الولد أو البنت نوع من الثقة
عشان ما تصير سوالف أكبر

يعني مثلا عدي وحدة معاي بأحد المقرقرات ( المقررات )
أهلها وايد يشكون فيها و هي مسكينه ما عندها سوالف بطالة
و كنت أعرفها من الثانوي و أعرفها عدل هي معاي من
أربع _ خمس سنين تقريبا

المهم
هي مسكينة وعلى نياتها و عمرها كلة بالدراسة , وعارفة ربها ...
يعني ماشفت عليها شي
مرة من الايام جات لي تبكي بس ما أدري ليش جات لي بالضبط
مع إني مو صديقتها ؟ المهم

قلت لها شفيك ؟, و هي قالت إللي عندها و عرفت من السالفة
إن ابوها يلحقها بكل مكان , ما ان راحت الجمعية , الا
وشافته , او حتى اركبت بالسيارة الا وشافته وراها
صحيح انه مو بسيارته و هو متلثم .... لكن مهما يكون البنت تعرف
ابوها .....................المهم

بعد ما قالت لي السالفة ...هديتها و طمنتها و قلت لها من جزاه انه
خايف عليك و خاصة
و انك توك تسوقين ( عليمية) يخاف تدعمين أو ما شابه
قالت لا أبوي و أعرفه .. و بدليل انه مره كان واحد جاي لولد
جيرانا و انا كنت طالعة من بيت جدي و بالطريق هذا الشاب ماشي
وراي موعن لاحقني لكن طريقه نفس طريقي ... وبعدها انا وصلت البيت
هو راح حق جيرانا .... ابوي كنه ما صدق لقى علي شي
و غسل شراعي , هذا الله يعين لو كنت مثل هالبنات المكياج و
الحجاب على الفاظي , بروحي ما أحط مكياج و وجهي شيفه
و عباتي على راسي حتى و انا أسوق يعني على شنو
بيلحقوني , من زود الجمال .............الخ

المهم و قتها سكتها .. و قلت لها : شعليك بعد عندك ( body gard )
حارس شخصي ببلاش

بعدها ضحكت و طلعت ..........

و بعد فتره لقيت المرة تغيرت .. وحده ثانية كني ما أعرفها
من بعد ما كانت تحط عينها في الارض اذا بغت تكلم المدرسه
و الحياء مالي وجهها صارت ملسونه و فهرة و بارع و قوية العين
و المكياج تارس وجهها و الشعر كله طالع .....

و يوم قلت لها ليش تغيرتي ...
قالت : عشان في هذي الحاله يحق لابوي انه يلحقني و يكفخني
على كيفه

شفت شصار على البنت بعد ما كانت خووووش وحده
الله يهديها

و يمكن تقول لي ابوها ما كان يتخبى عدل

لا مو تقول البنية مغير سيارته و ملثم وجهه و طبعا مو لازق فيها
لما يلحقها لكن من بعيد

ولا تفهمني غلط ان كان ابي اطلعك غلط لكن لازم يصير في
نوع من الثقة لكن مو التامة

يعني أقول مثال :
كمبيوتري اللي بداري مو أشبك فيه ؟
أمي بين فتره وفتره تدخل علي بعد ما أخلص الشبك
على أساس عندها شغل بالكمبيوتر , و هي صاجة ما كذبت
لكن على طريقها تفتح على الهستوري و تطالع المواقع إللي أدخل
عليها و جدامي مو من وراي و أنا عاذرتها ... تخاف علي

و أبوي بين كل فتره وفتره ياخذ مني النقال و عذره
إما عشان يجدد لي السيرفس أو يبي يكشخ فيه جدام ربعه ....الخ
و انا عارفة انه يبي يشيك علي لكن عادي معذور يخاف علي


آآآآآآآآآآآآآآآآآآآآآسفيييييييييييييييين

طولنا عليكم السالفة وهي قصيرة

بعد شسوي الله بلاني بلساني , كل ما أبي أسكره يتبطل



المهم

الله لا يحرمنا من ضحكتكم الحلوة

و السلام عليكم ورحمة الله وبركاته