السلام عليكم و رحمة الله و بركاته
بشرح لكم وضعي بشكل مفصل
أول شي أنا كنت خجول من أيام المتوسطة .. توقعت الوضع طبيعي لآني للحين صغير و ما الى ذلك .
لكن مع مرور الوقت و عند دخولي للجامعة بديت أحس ان الوضع موب طبيعي .. أتذكر موقف على بداية الجامعة سألني الدكتور سوال طبيعي ليس محرج بدأت اعرق و أتلعثم
المهم اني ما ارتحت للوضع و عرفت ان المشكلة اللي فيني رهاب اجتماعي
الحين بثاني سنة بالجامعة و الوضع أصبح مختلف لآني تخصصت تخصص ممتاز و الجميع يحلم فيه .. المشكلة اني بعد كم أسبوع لازم أقدم بريزنتشين أمام 100 طالب تقريبا .. أنا ما أعرف أتكلم مع اللي جنبي كيف أتكلم أمام 100 واحد !! , و دايم تدور براسي أسئلة كثيرة ودي أسأل الدكتور لكن أقول عندي النت ألقى فيه كل شي
الموضوع الآخر تكوين العلاقات خصوصا بالجامعة ..يعني أحيانا أكون علاقة مع شخص و ما تستمر أسبوعين بعد ما ارتاح لهم و يكتشفون شخصيتي .. الناس يقولون عني ما أعرف أسولف .. يعني لما أكلم واحد أقوله خل نطلع و لا حاجة يسألني اذا في طرف ثالث بيكون موجود معنا أو يبدا يتعذر .
أفكر أروح طبيب نفسي لكن ما ادري كم بيكلفني ؟ ولا أعتمد على الأدوية ؟ أنا معتمد على مصروف الجامعة اعتماد كلي طول الشهر
أحس طولت عليكم بس ما أبغى أخلي شي بخاطري .. شكرا