نفساني - عرض مشاركة واحدة

27-10-2013, 10:09 AM

السلام عليكم

اخت احلام .. قبل كم يوم اول ماكتبتي الاستشاره كنت برد عليك اتواصل معك على طول .. ولكن انشغلت .. واليوم ادخل المنتدى واجد ردود الدكتور رعد لكي ,

الله يعطيه العافية والسعادة يارب .. ماقصر .. ماشاءالله .. من جد دكتور بمعنى الكلمة .. فخورين فيك دكتور رعد ..

ولازم تتأكدي اخت احلام ان مثل مافي ناس قاسين ظالمين , كمان في ناس طيبين وعندهم احساس بالاخرين ومستعدين يبذلون كل جهدهم عشان يسعدون شخص محتاج احد يوقف معه

ربنا عمره ماينسى احد , لو ربنا كتب انك تمرين بمواقف صعبة مع اهلك او صحباتك , هذا مايعني ان الحياة انتهت بالعكس .. على قد الابتلاء من الله على قد حبه للعبد , وهالمشاكل والصعوبات لازم تنظرين لها انها ابتلاء وانك لازم تبذلين جهدك

عشان تتغلبين عليها , انظري دائم الى صعوبة انها اختبار من الله يختبر مدى صبرك وايمانك , احسني الظن دايم بالله مهما صعبت امورك .. قولي انا واثقه يارب انك بتقويني وبتغيير حالي للأفضل , اعطي نفسك أمل , حتى لو الظروف صعبه حتى لو

تسمعين كلام يجرح , لا تهتمي لا تخلي اي شي يضعفك , لا تسمحي لأنسان يسرق منك حياتك , دائم تكلمي مع نفسك بأيجابية , دائم قوي نفسك , لا يهمك كلام الناس .. المهم كلامك انتي لنفسك ..

اختي اذا غيرتي نظرتك عن نفسك يعني نظرتي لأحلام انها بنت قوية وقادره انها تغيير حياتها , وتغيير شخصيتها للأفضل , قادره انها تثتبت قوتها امام اهلها وصحباتها , اذا نظرتي هالنظره لنفسك راح يتحقق هالشيء

اول شيء قبل انك تطلبين ان الناس من حولك يغيرون معاملتهم لك .. غيري انتي نظرتك عن نفسك .. حبي نفسك ,, اشعري انك قوية ,, اشعري انك انسانه وتستحقين الاحترام والحياة الكريمة ,

كذا راح تفرضين شخصيتك على الاخرين بانهم يحترمونك , مافي شيء وقته راح .. كل شي في دنيا نقدر نغيره بالاصرار والعمل .. تقدرين تغيرين من حالك للأفضل ..

اختي هذه مجرد كلمات اتمنى تعطيك دافع واتمنى تشعرين ان في ناس تهتم لأمرك , وانك انسانه مهمه لها قيمه , واحنا هنا عائلتك الثانية ..

تأكدي ان الله مثل ما اعطاك مواقف صعبه راح يرزقك بناس يساعدونك ويسعدونك .. لأن الله سبحانه وتعالى عادل مع عباده

ثقي بالله , وثقي بنا ..

واذا حابه نتواصل تلفيون او اشوفك بأي مكان انا مستعده ..

الله يسعدك