المشاركة الأصلية كتبت بواسطة كلي أمل بالله

ممكن بعض كلام الموضوع صحيح بس حبيت أضيف شغلة هو العلة أصلا إنه يطلع هرمون الأدرينالين الي يفرز من الغدة الكظرية فوق الكلى بشكل مفاجئ والهرمون هذا المفروض مايطلع إلا في حالة الخطر حتى يعطيك قوة ومجهود تكافح فيه الخطر هذا أو تهرب منه فلما ينفرز تلقى أغلب الدم تلقائيا يروح للعضلات الكبيرة زي يدينك ورجلينك لأنها هي الي تستخدم في مواجهة الخطر ويزيد ضربات قلبك والتعرق والرعشة والأشياء هذي لما تكون بخطر واقعي مثلا قدامك حريقة شابه ماراح تجلس تفكر ياربي قلبي ليش يدق بسرعة ليش ارتجف لأنك شايف السبب قدامك ومشغول فيه عن إنك تراقب التغيرات الفسيوجسدية الي تحصلك , لكن احنا يالهلوعين ينفرز الأدرينالين بوقت غلط بوقت المفروض احنا مرتاحين فيه فماندري من ايش احنا خايفين ونبدا نفكر بأشياء ثانية تخوفنا زيادة وتخلي الأدرينالين يطول "لأنه في الواقع ينهضم بأقل من 3 دقايق لكن لما ترعب نفسك ليه قلبي يدق بموت ليه فيني دوخه وليه وليه ينفرز ثانية وثالثة وتطول النوبة * أول مرة جتني جلست ساعة أو أطول * فلما يتركز الدم بها الأماكن يقل بالدماغ عشان كذا نحس شوي بالدوخة والدوار , والعرق يزيد عشان استمالة الجهاز السمبثاوي , والمعدة تنقبض ويوقف الهضم عشان كذا نحس بالضيق وعدم الراحة .. اقروا عنه كويس حتى تقدرون تتغلبون على أعراضكم , أنا عرفت هالكلام من أول جلسة علاج سلوكي فهمتني كذا , مشكلتي معي توهم مرض ووسواس فللحين مقتنعة بالمبدأ هذا لكن مو مقتنعة إنو هو الي يصير عندي هههههههههههه اللهم لااعتراض بس ..