|
ابي احد يطمني عسى ربي يطمن قلوبكم
السلام عليكم بدخل في الموضوع وابيكم تتحملوني لان مالي الا الله ثم انتو افضفض لهم
انا قبل شهرين جاني الم في الكليه اليسرى ورحت المستشفى ولقو عندي حصى في الحالب وسولها تفتيت بالليزر وبعد تقريبا 4 اسابيع حسيت بالم في نفس المكان ورجعت المستشفى وبعد التحاليل والاشعه لقو وظايف الكلى مرتفعه شي بسيط ولقو حصوه ثانيه وعطوني دواء وانزلت في اسفل الحالب وقال الدكتور مايحتاج انسوي تفتيت بتطلع مع الاكثار في شرب الماء علما ان الدكتور سوا تحاليل بعد التحاليل السابقه بثمان ساعات وقال وظايف الكلى رجعت طبيعي وسيولة الدم طبيعيه والى الان وانا عايش في جحيم من الوسواس بالفشل الكلوي علما انني سالت الدكتور وقال انت حالتك بسيطه وبتمر علي باليوم عشرات الحالات مثلك بس التفكير مستمر مع حالة حزن شديده واكتئاب واحس اني خلاص بموت واحزن على اولادي وقبل البارحه حسيت بالم في الكليه اليمنى واليسرى ورحت المستشفى وسويت تحاليل وطلعت وظايف الكلى طبيعيه وسيولة الدم طبيعيه واخيرا قبل تقريبا شهر سويت تحاليل شامله وطلعت كلها سليمه فما هو الحل علما انني احس بصداع ودوخه واحس بشي مثل الاعصاب في الساقين والفخذين والظهر والرقبه والفكين مشدوده تاخذ فتره بعدين يطلع فيها زغلله واسف على الاطاله.
|