|
مشاكل ربما هي خجل اتمنى المساعدة
السلام عليكم
انا عندي مشكلة وهي
اني احيانا اذا جيت اسولف مع الناس حتى في العزايم والجامعة وكل مكان
اسولف وودي اسولف ماني نفسية او شي لكن بعض الاحيان يصير صوتي مبحوح مو مبحوح مدري كيف يعني مقدر اوصفه
يصير صوتي زي الخجول ومقدر اتكلم واسولف زين واضحك يعني يكون صوتي خالي من الحيوية تماما ووجهي وملامحه كذلك
والبعض يقول وش فيك معصب الخ ، ويكون ودي اسولف بس ماعندي القدرة بسبب هذا الشي وتصير ضحكاتي غير حيوية وملامح وجهي وصوتي غير حيوي
واصير كأني واحد زلابة او ما اعرف اسولف ابد ، رغم اني ودي اسولف واضحك وكذا بس مقدر من هذا الشي مايكون فيني حيوية تجي غصب مدري ليش
وعيني تصير كأنها بتدمع واسكرها وافتحها بدون سبب تجي المشكلة
وتختلف درجاتها ودرجات الخجل واللاحيوية في كل مرة
واحيانا تروح المشكلة هذي ويكون صوتي مو خجول ولا مبحوح ولا شي فتصير ملامح وجهي حيوية واضحك زين واسولف زين واذا ودي اسولف اقدر اسولف وزي كذا ويروح الخجل واقدر اعلي صوتي عادي
وما اكون نفسية في السواليف ومحد يحس اني زلابة او شي
قلت ممكن المشكلة نفسية فوش هي هل هي خجل ، ام هي بسبب كآبة وابغى حل لها ؟
رغم انها جتني من يوم صار عمري 13 او 14 وانا الحين عمري 19 والحمد لله كونت صداقات كثيرة واسولف مع الناس وماني غير اجتماعي
بس احيان يصير هالشي بصوتي وملامح وجهي فتصير ملامحي وصوتي غير حيويين ويخرب علي القدرة على السواليف والوناسة مدري ليش
ابي حل للمشكلة وشكرا لكم مقدما
|