..الجوهره..

بيانات اضافيه [ + ]

رقم العضوية : 46016  تاريخ التسجيل :  01 2014  أخر زيارة : 31-01-2014 (05:49 PM)  المشاركات : 6 [ + ]  التقييم :  10

لوني المفضل : Cadetblue

معاكم عضوه جديده بالمنتدى أتمنى يكون وجودي خفيف ومفيد
وهذا بصراحه سبب تسجيلي بالمنتدى ولا اخر مره سجلت بمنتدى كان قبل سنوات :)

اقدر أقول السبب الي خلاني أسجل قصة اخي محمد وأختي ابو ظبي شيء جميل لما تلقى ناس مرت بمثل الي مريت فيه
ممكن يفهمونك وتتكلم معاهم براحه بدون ما تخجل من الي تقوله

بعد مدة من الأحداث الي صارت بحياتي وأغلبيت الأشياء الي كتبها محمد صارت لي بس الانسان يمر بتجارب
أقوى منه تغلبه احيانا عادي شيء طبيعي وطال ماهو عايش راح يواجه تحديات

بعدها بفتره حتى لو كانت طويله يقدر يتعامل معها بشكل افضل ولا تقولون ماضي كيف أنساه لا محد ينسى الماضي
يبقى جزء من حياتنا بس نقدر نتقبله الحياه ما توقف على موقف معين حتى لو بقى ببالنا طول العمر نروح للي بعده
نجرب نعيش حياه جديده انت بنفسك تصنعها ما تستنى شيء يجئ يغيرها لانها ماراح تتغير لا برقيه ولا بدواء اذا انت ماساعدت
نفسك الأشياء البسيطة ماتقوم بكل المهمه

بتكلم عن نفسي اولا وبعدها بحاول أساعد ناس مرو بنفس الي مريت فيه

كنت إنسانه طموحه وناجحه بالجامعة أخذت الاولى على دفعتي بسنه من السنوات مرضت قبل الاختبارات
وللأسف اضعفني ابليس وخليت الوهم يسيطر علي بفكرة اني حسدت كانت ايام صعبه بس ما حاولت أساعد نفسي
وللأسف نزل معدلي من ممتاز الى جيد وكانت فتره سيئة جداً بشكل لا يوصف

جربت نوع من الأدوية وبحكم ان الوالد معارض الفكره ماقدرت اخذها الا مره وحاليا لو الشيء هذا مسموح باتعامل معها
بشكل عادي :) بما انها تفيدني بشكل او اخر راح اتقبلها واتعايش معها

حالياً باختصار احس بفراغ اكتأب أحزن بس أحب حياتي وأسعد بأبسط تفاصيلها وهذا الشيء انا غيرته
وبديت أحب اي شيء وكأنه مصدر سعادتي
تغيرت أشياء كثير بحياتي قدرت أكون لي حياه احبها أشوف الجمال بالتفاصيل الصغيرة مع اني كنت مكتأبه
لدرجه مااحس باي شيء بالحياة كنت مهملة كل شيء
حاليا مهما كنت لحالي مايجيني احساس الي انا وحيده ومدري ايش مع ان تمر الأيام ما اسمع صوتي :/ بس الحمدلله راضيه رضى تام

اهم حاجه ماصار الاكتئاب والأمراض والعين هي محور حياتي لان لو بس بفكر فيها ماراح أعيش لنفسي مع انها كانت
محور حياتي سابقاً وشغلي الشاغل... حاليا صرت أخذ وأعطي مع الحياه والاكتئاب
كمشاعر واغلب الأحيان تحديات انا قدها او أشياء اقدر اتقبلها واتعايش معها :) وجالسه أعطي وقتي لأشياء ثانيه
هوا انا فاضيه للاكتئاب بس :/

وصدقوني محد مرتاح كل واحد جالس يعاني بشكل او باخر بأدوية او بدون وحتى لو الواحد يضحك قدامك
وخاصه بالزمن هذا..

وقصتي ماقلت منها الا جزء اقل من الربع عشان محد يقول مامريتي بالي مريت فيه !

وآسفه على الاطاله