انسان طبيعي

بيانات اضافيه [ + ]

رقم العضوية : 45933  تاريخ التسجيل :  01 2014  أخر زيارة : 07-04-2014 (03:24 PM)  المشاركات : 16 [ + ]  التقييم :  10

لوني المفضل : Cadetblue

ترتيب ودقة وافكار .. دمرت حياتي ! ارجو المساعدة بأقرب وقت .

السلام عليكم ~

حبيت اشكر جميع القائمين على هاذا الموقع , لاني شفت ناس تتفاعل وتفيد , واشنالله تفيدوني :)
سجلت بهاذا المنتدى , لاني واثق اني بلقى ناس بتساعدني بمشكلتي , لاني محتاج مساعدة بشدة , وحالتي المادية ماتسمح لي اروح دكتور نفسي , وحاب افضفض لكم من أ لـ ي .
اولآ عمري 18 سنة , اصغر اخواني , شخصيتي ضعيفة اجتماعيآ نوعآ ما , انطوائي , مهمل دراسيآ , اعيش مع اخ اكبر مني بالغرفة , حالتي المادية اقل من متوسطة .
مشكلتي هي الوسواس القهري , في النظافة الترتيب والتنسيق والدقة والتآكد من الاشياء والافكار المزعجة ,
بصراحة الوسواس وصل فيني لدرجة تعطلني عن نشاطاتي وحياتي , ودراستي , وجايبة لي الكأبه والتفكير والهم والغم والحزن ,
مشكلتي هي الترتيب , مثلا الطاولة الي بغرفتي احب تكون ملتصقة بالجدار , اذا تحركت شبر واحد اعدلها وارجع اتاكد , واذا كانت مايله يمين او يسار اعدلها , وكل يوم اتاكد منها ,
نفس الشي خزانتي , كل يوم اتاكد ان الملابس مرتبه على شكل معين و الكتب نفس الشي والاقلام وكل شي احب يكون في مكانهم , واحب ارتب السرير بطريقة معينه وبدقة متناهية اجل على السرير ارتبه اكثر من 5 دقايق وانا اتاكد انه مرتب بطريقة مثاليه , وهاذا الشي ينطبق على كل شي بغرفتي , جهاز الرسيفر مثلا لازم يكون مستقيم واجلس اضبه كل يوم واتاكد اكثر من مره , واذا ماكان مسقيم اعدله وما ارتاح , كل شي بالغرفة لازم يكون بمكانه واذا تحرك سانتي واحد اعدله ,
انظف الغرفة يوميا وامسح الغبرة وانظف الارض وانظف في كل مكان , مكشوف وغير مشكوف تحت الخزانة فوق الخزانة كل شي , المشكلة ان اخوي معي بالغرفة وهاذا مسويلي اكتأب , يدخل الغرفة بالحذاء اكرمكم الله , ولما يدخل انجلط منه هههههه , لانه يوسخ الارض , وكل ماشوف وسخة على الارض لازم اشيلها مهما كان حجمها , وماعرف استقر واقعد بالغرفة الا اذا كان كل شي مرتب , اتسآل هل الناس العادين عادي لو شافو وسخة عالارض وخلوها ؟ انا ماقدر لازم اشيلها ,
المشكلة بصراحة انا وسط عائلة غير مرتبه , مرات توصل ادعي على ابوي واخوي لانهم يوسخون , مو مرتاح بحياتي ابدآ ابدآ , يعني مو مستمع بحياتي ابدآ , حرام عمري 18 عمر الفله , والمشكلة اني من محبين الافلام , يعني اتابع الفلم وانا كل شوي اتاكد من الطاولة , كل شوي اتاكد من شي وافكر باشياء , والله يمر الفلم ولا استمتعت فيه , مشكلتي الكبرى هي الوسخ على الارض لازم اشيييله ولا ماارتاح , ودي اعرف سلوك الناس الطبيعين , مثلا لما احط وسخة بـ سلة الهملات , يجيني الوسواس انها طاحت برا السلة , تجيني وسوسة ان في وسخ ورا سلة المهملات , وفي وسخ بجيبك مثلا وفي وسخ بالخزانة , وكذا افكار .
اتمنى منكم مساعتدي باقرب وقت , لاني مكتآب جدا وحزين , بالسنبة لـ علاج بالموقع الخبير النفسي 2 , اشوفه مايتطرق لـ مشكلة الترتيب والدقة , كله عن الدين والنية الخ ..
ياريت تفيدوني الله يخليكم باقرب وقت , ودي اخرج من هالدوامة , تعبت والله تعبت والله ي ناس , انتظركم على احر من الجمر

في امان الله ~

المصدر: نفساني