المشاركة الأصلية كتبت بواسطة انسان طبيعي

اهلا فيك اخوي , وشكرآ على التشجيع :)
الاعراض بدت عني من كان عمري 8 سنين :) لكن ماكنت اعرف انه مرض , لكنه راح مع الوقت , ورجع معي في سن الـ 15 في وسوسة النضافة والغسل والاحتلام الخ .. وقضيت عليه الحمدالله بالتجاهل , وبقى معي وساوس خفيفة ما تأثر , لكن هاذي السنة رجع بقوة كبيرة جدآ , وجالس احاول
نعم اخوي , اخوي اكبر مني عمره 27 عنده وسواس الترتيب والدقة والنظافة زيي يعني , ودايمآ اسولف معه بالوسواس وويقولي والله عادي تأقلمت مع الوضع صحيح انه يربطك لكن الله يعين , طبعآ انا مارضيت بهالكلام وقلت لازم يروح عني ,
والحمدالله من يوم ماكتبت هالموضوع , خلاص حطيت فراسي اني بقضي عالوسواس , وصليت ودعيت ربيي من قلب ورب , والحمدالله صارلي تحسن كبير بنسبة 60% , وسواس الدقة والنظافة والترتيب الزائد عن الحد قضيت عليه ,
كمان اذا حد دخل الغرفة بجزمة اكرمك الله صرت اتجاهل الغضب وصار الوضع عادي , وحتى لما اشوف وسخ عالارض صرت اتجاهله , يعني خفت كثير اشياء عني , وانكشفت عندي تفاهة الوسواس وانه وهم وهم وهم ..
لكن بقى عندي وسواس قليلة انشالله بحاول اقضي عليها , 1- الافكار المزعجة 2- التأكد من الاشياء , وعندي مشكلة اخرى هي التفريق بين الوسواس والسلوك الطبيعي , طبعآ عارف اني لو استرسلت معها بتكبر معي , لكن جالس احاول وهاذي اصعب الوسواس عندي واتوقع لو قضيت عليها بشفى بنسبة 90% بأذن الله .. ابي مساعدتك اخوي بالقضاء عليها واكون شاكر لك ,