نفساني - عرض مشاركة واحدة

20-06-2014, 01:39 AM

اقتباس:

المشاركة الأصلية كتبت بواسطة محمد البدراني

هلا بنت الظبي والله صادقة الصلاة والاستغفار والصدقة اهم شي الله يرحم حالنا

هلا اخوي الوردي بالنسبة لسيروكويل استخدمته خمس سنين دمرني اخر تدمري كنت انام 20 ساعة او 17 على الاقل حتى بالجرعات الصغيرة بس كان شايل عني فكرة الانتحار والحين لي اربعة اشهر قاطعة ومستبدله بالابليفاي

صباحك ورد يا ظل

هلا مراقب الحمدالله على كل حاول تسترخي في الاسبوعين وتستعين بالله والله يعينك جاهد كثير انك ما تترك العمل

هلا اخوي حكيم والله حالتي ما تسر الخاطر لازال الانفصام والاكتئاب في اشد لكن الحمدالله كل حال بالنسبة للنوم والاكل ما عندي مشكلة اكل زين ونومي معدل طبيعي 8 ساعات وبالنسبة لعلاجاتك الزيبركسا كويس مرة بس يسبب السمنة والنوم الكثير بس انت ما عندك مشكلة لانه ما عندك دوام

اما رمضان صدقني عذاب نفسي وجسدي انا عندي قرحة اقسم بالله اذا جعت يزود الانفصام بشكل كبير والله حالتنا حاله

الله بسلمك اخوي محمد ويرفع عنك وبالنسبة للزيبريكسا هذه اول علاج نفسي استخدمته في حياتي وكنت اخذه مع الفلوفوكسامين كنت اخذ حبتين 5مج في الصبح و5مج في المساء والفلوفوكسامين كنت اخذه 50مج في الصباح و50 مج في المساء وماكان للزيبريكسا اي أثر منوم علي كنت اخذه مثله مثل اي علاج ثاني ونومي كان معدله في اليوم مايزيد عن 7 ساعات في اليوم كله ..

وانا اعتقد انه اضاف لي الريميرون عشان ينومني ويزيد وزني لانه وزني رايح فيها 51 كيلو وفوق كذا يبغاه ينومني لان جسمي عنده مناعة عجيبة ضد النوم وقالي استمر على هذي العلاجين 3 شهور ولكن الريميرون ماعمري جربته رغم اني حاس انه مابيكون له اي اثر منوم علي مثله مثل الزيبريكسا لان كثير من الاعضاء يستخدمون الزيبريكسا ويتركونه بسبب النوم والاكل وانا يوم استخدمته ما كان له اي اثر منوم علي ولكن فتح شهيتي للاكل بشكل بسيط ..

وحاليا جالس استخدم علاج طارد للديدان لاني حللت وطلع عندي ديدان ولي يومين استخدم علاج الديدان وصراحة احس النفسية اختلفت 180 درجة بعد ما اخذت العلاج الطارد للديدان احس ضيقة الصدر خفت بشكل كبير والاكتئاب راح بشكل كبير والخوف من الليل اختفى تقريبا وشهيتي للاكل انفتحت والنوم عندي صار نوم طبيعي ماعاد فيه احلام مزعجة ولا كوابيس ولا فزع ليلي واحس التعب والارهاق خف مني بشكل كبير ورعشة اليدين وبرودة الاطراف اختفت يعني احس ان 90% من اعراض الاكتئاب اختفت عندي ولله الحمد مع اني قبل يومين كنت في وضع نفسي سيء جدا آثر الدود لعب في حسبتي وسببلي نفسية وانا ما كنت ادري وش العلة