اللى تعبانة طول عمرها

اللى تعبانة طول عمرها

السلام عليكم ورحمت اللة انا عندى مشكلة انا مش عرفة اعيش مع الدنيا خالص الدنيا بقيت غدارة اوى ومبقاش فيها امان خالص حتى وانت قاعد مع اقرب الناس ليك بردة مش فهمينك لية فى عز ما تكون فرحان الدنيا الدنيا بتاخدها منك طبعا الفرحة ويتحول كل حاجة حلوة الى كل حاجة وحشة احنا بقينا فى زمن اية الناس كلها بدقت تاكل فى بعض هى دية دنيا ولا غابة الدنيا دية وحشة اوى انا تعبت منها اوى
كل ما تحاول تضحكلها تكشر فى وشك انا حسة انى ما بقتش عيشة حياتى لدرجة لما اخرج مع اهلى لما بشوف البنات اللى فى سنى بحس انى مش عيشة زى البنات لدرجة انى كرهت الخروج عشان مشوفش حد حسة انى ضاع منى احلى حاجات فى حياتى انا عقدتى بجد انى دائما احس انى اقل واحدة فى اخواتى وهى دية الحقيقة كلهم مركزهم عليا ومتجوزين بردة مراكز عليا بس مفيش حد فيهم بيحس بية انا مكنتش كدة بس مش عارفة لية بقيت كدة اللى زى بيعيشوا سنهم انا لية مش عيشة زيهم انا بعد ساعات بقول لنفسى يارتنى مكنت انا يارتنى كنت اى واحدة تانية انا كرهت الدنيا وكرهت حياتى انا لو حصلت مشكلة مع اهلى ممكن مانمش بليل واقعد افكر فى كل اللى حصل فى حياتى انا لدرجة بقيت حسة انى مختلة عقليا يعنى مجنونة انا مش عرفة اعمل اية انا ضيعت حياتى بايدى انا لو سمحت عيزة حل لموضوعى

المصدر: نفساني

اختي ما تتكلمين عنه هو عرض من أعراض الاكتئاب
يجب عليك العمل على نفسك بمراجعة اخصائي نفسي او طبيب نفسي لمساعدة على الخروج من حاله اليأس التي تعيشينها