لا افهم ما ذا يريد

لا افهم ما ذا يريد

انا عندي ولد اختي ...... عايشن معنا بالبيت المهم الولد عمره ست سنوات موفر له كل حاجه من اقل شي الى اعلى شي يعني ماتلقين شي تقولون انه مش موفر له الشي هذا .....

ومع كل هذا يتذمر ............ يعني نشتر له الشي وبعد فتره يقول مابيه ابي لعبتي الاولى وثم اذا عطيناه الاول قال لا ابيهن كلهن .............. عادي اذا كان لحاله انا ماعندي اي اشكاليه .... لكن اذا اجتمعوا العايلة كلها فيه اولاد اختي الي على عمره اذا اجتمعو يحب يسيطر على كل حاجه صحيح انه ملكه لكن انا ابي منه اني اخليه يحب انه يشارك الي معه مو كل شي يملكه فقط لحاله ........

ثاني شي ........ الحين هو يدرس في الصف التمهيدي ... لكن مايقتنع بأسمه ... بتقولون وشلون مايقتنع بأسمه

مثلا ياطويلين العمر ......... واحد اسمه الحقيقي خالد بن محمد الخبخيخيخ <<< لاتصدقون بس انا اقول اي عايلة

بس بحكم انه عايش معنا كل هالسنين يقول انا اسمي خالد بن عبدالله الهههيخخ << كنية الى عيالتنا

واذا نادوا اسمه بالمدرسه باسمه الحقيقي يزعل وينقهر ويقول لهم انا اسم خالد عبدالله مو خالد محمد ............... بتقولون الغلط منا .............. انا احاااااااااااول بكل مالدي بأن افهمه ان اسمه خالد بن محمد لكن دون جدوى ....


ابي منكم طريقة تخليني اساعده ..... مع العلم بأنه متعلق فيني بقوة جدا يعني الى حد اني سافرت يومين لمكة ورجعت تقول الوالده انه ماقد اكل الاكل هذا يوم انك بمكه .... يعني معنى الكلام اني اقدر ااثر عليه بأن يصلح من سلوكه

هذه رساله من اخوي
ولكم مني اجمل التحيات والتقدير

اتمنى الرد عليه من قبل المتخصصين

المصدر: نفساني

23 زائر الردود 0 :(

وين الاخصائيين

معقوله مافي اي رد من يومين


انتظركم يا اخصائيين :(

وين المستشارين

السلام عليكم ورحمة الله وبركاته

عارفه بتسوين احتفال لأن في أحد رد :)))))))

بسيطة كل واحد وله ظروفه ومشاغله لازم نعذر :)

المهم بالنسبة للمشكلة الأولى السبب عزيزتي واضح جدا وهو " الولد عمره ست سنوات موفر له كل حاجه من اقل شي الى اعلى شي يعني ماتلقين شي تقولون انه مش موفر له الشي هذا ....."

لابد من بعض الحزم مع الطفل لا اعني الضرب او حرمان من شيء يحبه لدرجة البكاء والعقاب ولكن يجب أن يعرف هناك حدود وهناك أسباب لشراء الأشياء
مثلا تفهمين الطفل سأشتري لك هذه اللعبه اذا قمت بعمل كذا ,, أو في عيد ميلادك سأشتري لك اللعبه .. أي جعل شراء اللعب والهدايا لأسباب وليس متاح بشكل عادي ويومي لأنه بذلك لأن يكترث لها تماما كما يحدث الان اشتري هذه او اعود الى تلك نفس الشيء لايوجد مايفرقها.
ان بكى وحن لشراء لعبه ببساطه قولي " ماهي المناسبة؟؟ يجب ان يكون هناك مناسبة.. بالعيد القادم سأشريها لك " فقط واتركيه صحيح سيبكي ولكن سيعتاد بأن لكل شيء مناسبة وسبب.
ويجب عزيزتي الالتزام بالوعد اي اذا قلت سأشتريها بالعيد تشترينها نفسها بالعيد وتذكرينه بقولك ووعدك.

المشكلة الثانيه تصرفه مع الاطفال هذا ايضا يعود لنفس السبب لأنه لايجد من يعاقبه !
اطلبي منه ان يشارك الاطفال بلعب تختارينها للمشاركه وليست لعبه الخاصه هناك من يحب الملكية هذه لي ولا احب احدا ان يلمسها حتى لو كان أبي
وهو من حقه فاجعلي لعبا للمشاركه مثلا الكره لايمكن اللعب بها لوحده يجب تشكيل فريق اخبريه بأن اللعبه تتطلب ذلك .. ثم بثي في روحه المسؤولية " انت صاحب اللعبه أن انت المشرف عليها ومن لايجيد اللعب يخرج من اللعبه.. احيانا قد يتمادى بتصرفه مع الاطفال ... خذي الاطفال وقومي باللعب معهم لعبه تختلف عن لعبته لابد بأنه سيشاهد الاطفال وهم يستمتعون وسيشارككم فيما بعد.

الاطفال في مثل هذا السن لديهم خيال واسع استفيدي من هذا الخيال بقص القصص المفيدة حتى لو من ابتكارك واذكري فيها التصرفات اللتي تتمنين ان يقوم بها وانبذي تصرفاته التي تزعجك وبعد الانتهاء من القصة اسأليه ماذا استفدت ومارأيك بهذا التصرف؟


المشكلة الثالثة دائما تحدث عند السنة الأولى من الدراسة للاطفال حيث يعتادون على اسم الدلع وليس الاسم الرسمي ... فقط دعيه يشاهد اوراقه الرسميه واسمه الحقيقي المسجل بها ولابأس افهميه بأن اسمه بالمدرسه يجب ان يكون الرسمي الحقيقي اما بيننا فانت حر باختيار اسمك... ومع الوقت ستنتهي المشكلة.


وتنمياتي لك بالتوفيق